Proffil y swydd

Lleoliad gwaith: Bae Colwyn / Llanfairfechan

Mae Gwasanaeth Teleofal Conwy yn cefnogi amrywiaeth o unigolion i aros yn ddiogel ac yn annibynnol drwy ddarparu a gosod technoleg bwrpasol yn eu cartrefi, megis systemau larwm personol neu synwyryddion. Wedi’ch lleoli o fewn yr Adain Gwybodaeth, Cyngor a Chymorth byddwch yn bwynt cyswllt cyntaf ar gyfer tîm sy’n rheoli llif gwaith cyflym drwy

• Ateb galwadau gan gwsmeriaid, atgyfeiriwyr a sefydliadau trydydd parti.
• Prosesu atgyfeiriadau
• Codi a chanslo anfonebau
• Cyfeirio at y ffynonellau gwybodaeth, gwasanaethau a sefydliadau priodol.

Gellir dysgu am ofal cymdeithasol wrth wneud y gwaith os nad oes gennych brofiad blaenorol.

Amdanoch chi:
Gyda’ch gallu profedig i ddilyn prosesau, rydych yn weinyddwr hyderus sy’n ymdrechu bob amser i ddarparu gwasanaeth cwsmeriaid rhagorol.

• Rydych yn weinyddwr medrus.
• Rydych yn wych am gyfathrebu ag ystod eang o gynulleidfaoedd ac yn gwybod pryd a sut i ofyn am gymorth neu uwchgyfeirio materion
• Rydych yn mwynhau’r her o ddarparu’r gwasanaeth gorau i gwsmeriaid, gan sicrhau gwelliant parhaus
• Rydych yn gwerthfawrogi prosesau a dulliau gweithio sy’n sicrhau bod y systemau cywir yn cael eu gosod i gynorthwyo pobl, gan ddeall yr angen i’w hadolygu.
• Bydd eich dull trefnus o wneud y gwaith yn cefnogi cydweithwyr yn y tîm gosod i gyflawni eu dyletswyddau’n effeithiol

Buddion:

• Byddwch yn gweithio fel rhan o dîm cyfeillgar a chefnogol.
• Byddwch yn cael goruchwyliaeth reolaidd gan eich Rheolwr Tîm
• Mynediad at hyfforddiant drwy raglenni hyfforddi Gofal Cymdeithasol a rhaglenni hyfforddi corfforaethol, yn ychwanegol at hyfforddiant allanol lle bo hynny’n briodol a byddwch yn cael eich cefnogi a’ch annog i ddysgu gyda ni.
• Bod yn rhan o sefydliad sy’n sicrhau arferion gweithio diogel a llawn cefnogaeth, drwy bolisïau gweithwyr cadarn.
• Mynediad at nifer o fuddion gweithwyr, gan gynnwys Buddion Conwy, a Ffit Conwy.
• Gweithio mewn gofod swyddfa pwrpasol, sy’n agos at nifer o siopau, lleoedd bwyd o safon a choffi da!

Siaradwch â ni:
Os oes gennych unrhyw gwestiynau neu os hoffech wybod mwy am y swydd hon, mae croeso i chi gysylltu â Lindsay Duncalf, Rheolwr Tîm am sgwrs fer, neu ewch ati rŵan i lenwi’r ffurflen gais.

E-bost: Lindsay.Duncalf@conwy.gov.uk 
Ffôn: 01492 577813

Manylion y rheolwr ar gyfer trafodaeth anffurfiol: Lindsay Duncalf Rheolwr Tîm 01492 577813 Lindsay.duncalf@conwy.gov.uk

Gofynion y Gymraeg: Mae gallu cyfathrebu drwy gyfrwng y Gymraeg yn hanfodol ar swydd hon.

Rydym yn annog ymgeiswyr sy’n rhugl yn y Gymraeg a bydd ystyriaeth yn cael ei rhoi hefyd i ymgeiswyr sydd â chymwysterau addas sy’n fodlon ymrwymo i wella eu sgiliau Cymraeg hyd at y safon ofynnol o fewn cyfnod penodol.
Rydym ni wedi ymrwymo i'r Gymraeg ac yn falch iawn o’n diwylliant Cymreig. Rydym yn croesawu ceisiadau yn y Gymraeg a’r Saesneg fel ei gilydd ac ni fydd ffurflenni cais a dderbynnir yn y naill iaith na’r llall yn cael eu trin yn llai ffafriol na’i gilydd.

Rydym yn frwdfrydig dros eich cefnogi a’ch annog i ddefnyddio’ch Cymraeg, beth bynnag eich lefel; ac mae gennym ni ddosbarthiadau am ddim ar gyfer pob lefel, wyneb yn wyneb ac ar-lein, i’ch cefnogi chi ymhellach.

Mae Conwy wedi ymrwymo i ddiogelu. Bydd cymwysterau a geirdaon yn cael eu dilysu.

Mae Conwy wedi ymrwymo i gyfle cyfartal ac rydym yn croesawu ymgeiswyr o bob rhan o'r gymuned. Rydym yn darparu opsiwn i bobl anabl wneud cais mewn gwahanol fformatau. Cysylltwch â'r Tîm AD ar 01492 576129 i gael cyngor pellach.

This form is also available in English.